તમે કહો તો….

તમે કહો તો… તમારા મૌન માં શબ્દો હું સીંચી દઉં.

આ કાબરો ના કોલાહલ વચ્ચે એક રાગ મધુરો છેડી દઉં.

પાંપણ પર બેસાડી તમને ઝૂલો હું ઝુલાવી દઉં

એક વાત એવી કરું કે વગર બોલ્યે હસાવી દઉં.

હોય દુખની લાગણી તો એને દરિયામાં ડુબાડી દઉં,

જો તમે કહો તો.. તમને ગમતું ગીત એક લલકારી દઉં.

માંગો જો ઘડી નો સાથ, તો આખો જન્મારો આપી દઉં,

છોડો જો હાથ માંથી હાથ  તો , દુનિયા હું છોડી દઉં.

તમે કહો તો તમારા મૌન માં શબ્દો હું સીંચી દઉં.

આ કાબરો ના કોલાહલ વચ્ચે એક રાગ મધુરો છેડી દઉં.

             -દિનેશ પરમાર

Matrulipi

નમસ્કાર!
હું દિનેશ પરમાર. ગુજરાતી ભાષાની થોડી ઘણી મારા દ્વારા અને થોડીક અન્ય લેખકો તથા વાચકો દ્વારા લખેલી કૃતિઓ ને સંકલિત કરી એક વેબસાઈટ સ્વરૂપે તમારી સમક્ષ રજુ કરી રહ્યો છું. આશા છે તમને પસંદ આવશે. તમે પણ તમારી રચનાઓ મને ઉપર દર્શાવેલ write new ટેબ પર ક્લિક કરી મોકલી શકો છો.
ધન્યવાદ..

See author's posts